"အတွင်းဒဏ်"

့
ဗီတာမင်ဓာတ် အေကနေဇက်
အတွဲလိုက်ဖောက် ပက်ပက်စက်စက်သောက်လည်း
မပျောက်တော့တဲ့ ဒီရောဂါ
သေရာပါပြီ ထင်ပါရဲ့ 
ဘယ်အညိုးနဲ့ များ ရက်စက်လိုက်တာလဲ
ကိုယ့်ရဲ့  ဗီတာမင်လေးရယ် ... ။

မောင်ငယ်

P.S=>သိုင်းကျမ်းထဲမှာ အဆိပ်ကို အဆိပ်နဲ့  ဖြေရတယ် ဆိုလို့ ပါ ။ :P

“ရက်စက်သော နှင်း”

ကျနော်လေ…. တစ်နွေလုံး
အချိန်ရှိသ၍ သူမကိုပဲ
ကျောပြားကြီး ဆန့် ခင်းပြီး
မ၀တမ်း ငေးကြည့်နေခဲ့တာ
နေ့ ဆိုလည်း နေ အလင်းနဲ့ 
သူမ မျက်နှာပြင်ပေါ်က တိမ်တိုက်တို့ 
ရွေ့ လျားပြောင်းလဲခြင်းများ မညီးနိုင်အောင်
ညဆိုလည်း ကြယ်လ အလင်းနဲ့ 
ရှိနေသေးတဲ့ အသိ
အငွေ့ အသက်လေးတော့
ရေးရေးရနိုင်ခဲ့ သေးတယ် … ။

ဒီရာသီမှာ အဆင်မပြေမှုများ
သူမနဲ့ ကျနော်ကြား
အခါခပ်သိမ်း စိမ်းလန်းတယ်
ကလေးတစ်ယောက်လို ထစ်ချုန်း
တစ်ပြင်လုံး အုံ့ မှိုင်းလာ
လေနီရိုင်းနဲ့ လည်း ၀င်ရမ်းတယ်
ပြီးရင် မစဲတမ်း မျက်ရည်တွေ သွန်ချတော့တာ
တကယ်ဆို ကျနော်လည်း စိုစွတ်နေခဲ့တာပဲလေ … ။

တို့ နှစ်ယောက်ကြား အေးစက်လာခဲ့ပြီ
ကျနော် အကြောက်ဆုံး ကာလများပဲပေါ့
ဆိုက်ကပ်လာစဉ် အစတော့ နေသာရဲ့့ 
အစဉ်သဖြင့် မထွန်းလင်းနိုင်တော့တဲ့ နေ
မြူလွှမ်းခြုံ ခံလိုက်ရတဲ့ ကြယ်နဲ့ လ
ကျနော့် နေ့  ညတွေ ကြမ်းရှလာခဲ့ပြီ
သူမကို မမြင်တွေ့ ရတော့တဲ့ နေ့ ဟာ
ကျနော် ရေခဲရိုက်ခံလိုက်ရတဲ့ နေ့ ပဲ
ဒီနေ့  … ဒီနေ့ မှာ
တနေ့ လုံး ခါတိုင်းထက် အချမ်းပိုနေတယ်
အရင်နေ့ တွေလို
သူမကို ကျနော် မသဲကွဲလိုက်တဲ့ ညချမ်းမှာပဲ
အနူးညံ့ဆုံး နှင်းခါးတို့ လွင့်ဝဲကျလာ
တကယ်ကို ဖြေးဖြေးလေးပါ
နှင်းပုဝါတစ်ထည် ဖုံးအုပ်ခံလိုက်ရတဲ့နောက်
ကျနော် မှောင်အတိကျသွားတယ် ... ။

ရှည်ကြာလွန်းလိုက်တာ ဆောင်းရယ် … ။

မောင်ငယ်

P.S => ကျနော် အခန်းရှေ့ က မြေကွက်လပ်လေး နေရာမှ ခံစားရေးဖွဲ့ 
ထားခြင်းသာ ဖြစ်ပါသည်။

“ထည်လဲ”

အနာအဆာကင်းတဲ့  ရင်တွင်းဖြစ်လေးပါ
တစ်သက်စာ စီးနင်းဖို့  ချခင်းပေး
အရောင်ပြယ်လာရုံလေးနဲ့  စွန့် ပစ်
ရင်ကွင်းပြင်မှာ လေလွင့်ကျန်ခဲ့တာ
အသဲနှလုံး အစုတ်တစ်ရံရယ်ပါ ‘မ’ ရယ် … ။

မောင်ငယ်

"မိနှင့်ဖ သို့ ခွင့်ပန်ခြင်း"

မိကိုလက်ယာ ဖကိုလက်ဝဲ
ပခုံးထက်ဝယ် စဉ်မြဲတင်လျက်
မိ ၊ ဖ ကျေးဇူး ဂုဏ်အထူးကို
အစဉ်ထာဝရ နှလုံးသွင်းလျက်ပါ
အဖေနဲ့ အမေ …. ။

အမေ သားကို သွန်သင်ခဲ့ဖူးတယ်နော်
စကားပုံက ရိုးရိုးလေးပါ သားငယ်
မိုးရွာတုန်း ရေခံတဲ့
ရေခွက်ကြီးကြီနဲ့ ခံမှ ရေများများရမယ်ဆိုတာလေ
သား ဒီလောက်ထိ ဆုပ်ကိုင်ထားနိုင်ခဲ့တာ
အမေ့ ကျယ်ပြန့် တဲ့ မေတ္တာ အမိုးရဲ့့ 
တစက်မြိတ်အောက်မှာ ရေခံခဲ့ရလို့ ပါ အမေ … ။

အဖေ့စကား သားရင်တွင်းမှာ
သံမှိုလို ရိုက်သွင်းထားဆဲပါ
ငါ့သား တောတောင်ထဲက
ဆူးပင်တွေက ချွန်လွန်းတဲ့ ဆူးရိုင်းတွေ
မည်သူချွန်ပေးလို့  ချွန်သလဲ ဆိုတာလေ
ဟုတ်တယ် အဖေ ကိုယ်တိုင် ချွန်ခဲ့ကြတာချည်းပဲ
ကိုယ်ထူးဖို့  ကိုယ်တိုင် ချွန်ရမယ်
တစ်နေ့ သားမျှော်မှန်နိုင်သမျှ ဖြစ်ခဲ့ရင်တောင်
အဖေဆိုတဲ့ ရေသောက်မြစ်ကနေ
တင်ပို့ ပေးတဲ့ အားအင်တွေကြောင့်ပါ အဖေ … ။

ရေချိုးပြီးလည်း ချွေးတွေ အရမ်းထွက်တဲ့ အမေ
အနားမှာ သနပ်ခါး သွေးပေးမယ်သူ ရှိရဲ့ လား
သား လစ်ဟာနေပြီလား အမေရယ်
အခွင့်ရှိချင်ပါတယ် … ။

သားနာဖျားတိုင်း ဘုရားစာတွေရွတ်
ဆေးတွေလိမ်းပေးခဲ့တုန်းက
မေတ္တာတွေ လိမ်းပေးလို့  ပျောက်ကင်းမှန်း
သား ကောင်းကောင်းမသိခဲ့ဘူး အမေ
အခုမှ စေ့စေ့တွေးပြီ ရေးရေးသိလာခဲ့ပြီ … ။

အဖေ ဒီတခါ သားနဲ့  အားပြိုင်လှဲရင်လည်း
အရင်လို အရှုံပေးဦးမှာပဲမို့ လား အဖေ
အသက်ကြီးပြီ သားရ ဆိုပြီးတော့လေ
အဖေက သားသမီးတွေကို ထမ်းတင်ခဲ့တာပါ
အခု သားတို့  ပြန်ထမ်းခွင့်ရပြီ အဖေ … ။

ဒီနှစ်ဆောင်းလည်း အရမ်းအေးတယ် အမေ
ဒါပေမယ့် အမေ ပို့ သတဲ့ မေတ္တာကြောင့်
သား နွေးနွေးထွေးထွေး ရှိပါတယ် … ။

အဖေ … သားလျှောက်တဲ့ လမ်းပေါ်မှာ
နှင်းခါးတွေ ကျတာ ပိုပိုထူထဲလာတယ်
သား မျက်နှာဆီကိုပဲ ခပ်ဆတ်ဆတ်
တည့်တည့် လာလာမှန်နေတယ် အဖေ
အဖေ ပို့ ထားပေးတဲ့ ခွန်အားတွေ
သားမှာအများကြီး ရှိနေသေးလို့ 
လျှောက်လှမ်းနိုင်ပါသေးတယ် အဖေ … ။

သတိရတယ် အဖေ နဲ့ အမေ
သားဦးထိပ် ပန်ဆင်တာဆိုလို့ 
ရတနာ သုံးပါးနဲ့  အဖေ နဲ့ အမေရယ်ပဲ
တခမ်းတနား ရှိတာပါ ... ။

သားရဲ့ မနက်ဖြန်တိုင်းအတွတ်
အဖေနဲ့ အမေရဲ့  ခြေစုံထက် ဦးတိုက်ခွင့်ကို
ထာဝရ ပေးသနားပါ အဖေနဲ့ အမေ … ။

မောင်ငယ်

"လပြည့်ည ..... ဒါဟာ လပြည့်ည"

့
ကျနော့် ပါးပြင်ထက်
မှိန်ပြပြ အလင်းတန်းတစ်စက် ရှပ်တိုက်သွား
မသိခြင်း တစ်ဝက်နဲ့  လန့် နိုး
သြော် .... လရောင်က ခိုးနမ်းသွားတာကိုး ... ။

အမှောင်ထဲမှာ အလင်းနုနု
အေးမြမှုနဲ့  ရှုလို့ မ၀ဘူး
ဒီမှာကြ ဒါကိုက ရတောင့်ရခဲ ဆုတစ်ခုလိုပဲ ... ။

ကျနော်နဲ့  သူမကြား
ကြားခံနယ် ရုပ်ဝတ္ထုတို့ နဲ့ 
ပနံရနေမှုက နှိုင်းတုလို့ မရလောက်အောင် ... ။

အပူပေးထားတဲ့ အခန်းထဲက လေနွေးနွေး
ဆောင်းဦးဒဏ်ကို ကျားကန်ပေးနေဆဲ ... ။

ရေမှုန်ရေစက်တို့ ခြောက်ကပ် အကွက်ထနေတဲ့
ပြတင်းတံခါး မှန်နံရံတစ်ချပ်
မတ်တတ်ရပ်ရင်း အညောင်းမိနေပြီ ... ။

သုညနားကပ်နေတဲ့ အပြင်ဘက်ကလေ
ပုံမှန်ချိန်ထက်ပိုလူး လရောင်ကြောင့်
မြူးနေလေရဲ့  ... ။

နွေရာသီဝတ် အင်္ကျီတို့  ချွတ်ချထားတဲ့
အဖြူရောင်ပင်စည်တို့ ရဲ့  ရိုးတံများ
ကောင်းကင်ကြီးကို သူပဲ ပင့်မထားသလိုလို ... ။

အမြဲစိမ်းတဲ့ ထင်းရူးပင်တောတန်းငယ်လေး
သူ့ လက်တန်များ အောက်ဘက်ကိုပဲ ဖြန့် ကား
စိတ်ဓာတ်ကျနေလေသလား မသိ ... ။

တိမ်ထုနဲ့  ကြယ်စုတို့  ရန်သတ်ပြီး
စောစောအိပ်တန်း တက်ကြလို့ 
ဒီည သူမ အာကာယံကို အပိုင်စားရတယ် ... ။

အစွမ်းရှိသလောက် အလျားလိုက် ထွန်းလင်း
ဒါကြောင့်လည်း ကျနော့် အခန်းတွင်းထိ
ချင်းနင်းဝင်ရောက်လာခဲ့တာပေါ့ ... ။

ဒါနဲ့  စကားမစပ်
ဒီည အမိမြေမှာဆို အဖော်တစ်သင်းနဲ့ 
ကြက်သားကာလသားဟင်း ပူပူနွေးနွေးကို
လရောင်အနမ်းခံရင်း........................။

မောင်ငယ်

“စစ်ကြေညာချက်”

အလေးချိန်ပမာဏ ၁၅၀၀ တန်(tons)ရှိ
ချစ်ခြင်း အစိုင်အခဲတို့ ကို
အလင်းအလျင် နှစ်စနှုန်းဖြင့် ပေါက်ကွဲစေနိုင်သော
အချစ်မြူဗုံး တစ်လုံးအား 19:18 , 14.2.2009 တွင်
သူမ၏ နှလုံးသားရပ်ဝန်း၌ ကျဲချမည် ဖြစ်ကြောင်း
ကြိုတင် အသိပေးအပ်ပါသည် … ။

မောင်ငယ် (ခ) အိုင်းစငယ်

“လည်ပြန်မိုး”

့အပူချိန်ပြင်းတဲ့ ဝေးကွာခြင်းကြောင့်
အခုတလော သိသိသာသာ
မင်းဘက်က အချစ်တွေ အငွေ့ ပျံတာ
တံလှပ်လှိုင်းတွေတောင် ထလို့ 
ဥပေက္ခာ မိုးသားတွေပဲ
ထူထဲလာ ညိုမဲလာ
ငါ့အပေါ် အရိပ်တစ်ခုလို မိုးလာ
ဒီလူမှာ အတွေးတစ်ဖက်နဲ့  သွေးပျက်နေပြီ
ငါ့ဘက်က လေနုအေးတွေ ဆောင်ကျဉ်းပေးပါ့မယ်
အချစ်မိုးအနေနဲ့  ပြန်တော့ရွာချပေးပါ
အရင်လို ရွဲရွဲစိုပါရစေ ချစ်သူရယ် … ။

မောင်ငယ်

“လရောင်အောက်က မိုး”

့လေမတိုက်တဲ့ ည
တိမ်အခင်း အကျင်း လှတဲ့ ည
ကြယ်ရောင် မစုံတဲ့ ည
မင်းနဲ့ ကိုယ်နဲ့ ပဲ ရှိတဲ့ ည
အစိမ်းရောင် ပိုစုန်းကြူးတွေ မြူးတဲ့ ည
မင်းကြောင့် မိုးတွေရွာခဲ့ရတဲ့ ငါ့ ည … ။

မမြင်စေချင်လို့ တိမ်ယံကြား
ရှောင်ခွာအဝေး ပြေးပြေးပုန်းတဲ့
လလေး ကိုမှ ငါကလည်း
မြင်ချင်လွန်းလှချည့်ရဲ့  ဆိုပြီး
မရမက တိမ်တွေကိုခွာချ
လှည်းကျင်းရ သိမ်းကြုံးရနဲ့ 
ခပ်ပွပွ ငါ့အိတ်ကပ်တောင်
တဒိတဒိ စုမိဆောင်းမိလာပြီ … ။

လိုက်မိလို့ ဝေးတာလား
ဝေးနေလို့ လိုက်မိတာလား
မသဲကွဲသေးခင် နောက်တစ်ခေါက်
ထပ်ပျောက်ဆုံး သွားပြန်တယ် … ။

ထိုးသိပ်ထည့်လိုက်တုန်းကတော့
အဖြူထည် တိမ်ချပ်များပဲ
နောက်မှ အရောင်တွေပြောင်း
ဘာအကြောင်းကြောင်း ကြောင့်လဲ
ည.. ည အေးစက်လာလိုက်တာ
ငွေ့ ရည်ဖွဲ့ လို့  ၀ပြီးမှတော့
ဒီည မိုးရွာချမှ ဖြစ်တော့မယ် … ။

မောင်ငယ်

P.S ~ ကျနော့် အခန်းငယ်ထဲမှာ အချိန် အခါမဟုတ် မိုးတွေ ရွာရွာနေတယ်ဗျာ...။

"တစ္ဆေတစ်ကောင်ရဲ့  အန်ဖတ် "

့
ကျုပ်ကြားနာ ကျင့်သုံးနေတဲ့
စာသားအချို့  ချရေးပြမယ်
"တိုးတက်မှုက ဝေဖန်မှုကို
သုံးသပ်ပိုင်းခြားပြီး ပြင်ဆင်အားထုတ်မှုနဲ့ 
တိုက်ရိုက် အချိုးကျတယ်" ဆိုတာပဲ...။

ခင်ဗျားတို့  ထင်တာမြင်တာအစ
ကြားတာ သိတာ ၊ ထမင်းစားသတင်းအဆုံး
ကျုပ်ရှေ့မှာဖြန့် ခင်းချလိုက် ... ။

ရှောင်ရန်အကျင့်ဆိုး ထုပ်ပိုးပြီး
သမုဒ္ဓရာ ကြမ်းခင်ထိ
ကျုပ်ဆင်းပြီး မြုပ်မယ် ... ။

ဆောင်ရန် အချက်အလက်မျိုး
အကိုးအကားနဲ့  ချပြရှင်းလင်း
ကျုပ်ရင်တွင်းရောက်အောင် ထည့်မယ် ... ။

ခပ်ပွပွ ၀မ်းစာသတင်းလောက်နဲ့ တော့
ကျုပ်ရင်တွင်းရောက်ဖို့  မပြောနဲ့ 
ခြေရင်းတောင် ကပ်မှာ မဟုတ်ဘူး
အကွင်းလိုက် အကွင်းလိုက် လှီးပြီး
အိမ်တိုင်ရာရောက် ပြန်ပို့ ပစ်မယ် ... ။

သွေးမထိုးနဲ့  ကြိုးမကိုင်နဲ့ 
ကိုယ်တန်ဖိုးနဲ့  ကိုယ်နေ
ခင်ဗျားတို့  ဆွယ်တရား ဟောတဲ့နောက်
ကျုပ် ကောက်ကောက်ပါအောင် လိုက်မိရင်
ကျုပ်ဦးခွံ ကျုပ်ကိုယ်တိုင်လှန်
ဦးနှောက်ကို အစိမ်းလိုက်
ခလောက်ထုတ် ပစ်မယ် ... ။

ကျုပ် သူ့ ( ပြည်သူ့ )ဆန်စား ရဲတယ်
ကြိုးဆွဲခံ လူတစ်ယောက်ကို ကျောထောက်ပေးသူရဲ့ 
ဆန်စားနေတဲ့ ခင်ဗျားတို့ အတွက်တော့
ကျုပ် ကွင်းစ ကွင်းပိတ် လုံးဝ ( လုံးဝ ) မရဲနိုင်ဘူး
ခင်ဗျားတို့ ကို ကျုပ်လူမျိုးစားရင်းကနေ
သေခန်းဖြတ် ထုတ်ပယ်တယ် ... ။

ခင်ဗျားရေးချလိုက်တဲ့ စာသား
ကျုပ်ခေါင်းပြားစေချင်လို့  ဆိုရင်တော့
အားရပါးရ ရေးတာချလိုက်ပါ
ဒီနေရာမှာက တံခါးတွေ ဂျက်ဖြုတ်ထားတာပဲ
တခါတခါ မြောင်းပုတ်နံ့ ရတာက လွဲလို့ ပေါ့ ... ။

လက်လွတ်စပယ် ၀ါးလုံးသိမ်း
ပုတ်ခတ်မှုများ ရပ်တန်းကရပ်ပါ
ကျုပ်ခြုံထားတဲ့ ခန္တီပါရမီ က
သိပ်မထူလို့ ပါ
ဒါကြောင့် ကျုပ်နာတယ် ... ။

ကျုပ်သဘောကလည်း ရာဘာရောထားလေတော့
ပြန်ကန်အား နှစ်ဆနဲ့  တုံ့ ပြန်တတ်တယ်
ခပ်ဆတ်ဆတ်တော့ လွင့်ထွက်မလာနဲ့ 
ကြယ်တွေ လတွေက နေ့ မှာလည်း မြင်ရတတ်တယ် ... ။

နင်ပဲ ငါစ ပြောရမှ
ခင်ဗျား စားဝင်အိပ်ပျော်တယ် ဆိုရင်
ကျုပ်ကိုပဲ ၀ိုင်းဆဲကြတော့
ဒါက တချို့ သော ခင်ဗျားတို့ ရဲ့  ယဉ်ကျေးမှုပေပဲ
ကလေးအထာနဲ့  လူကြီးလေးတွေကို
ကျုပ် ယဉ်ကျေးစွာနဲ့ ပဲ လေးစားပါ့မယ် ... ။

လေယူရာတိမ်း သံယောင်မှိန်းလိုက်တဲ့
ကြားနေ၀ါဒ ကျုပ်ပယ်ချတယ်
ကိုယ့်ဘ၀မှာ ကိုယ်သာသခင် ကိုယ်သာဘုရင်
အပီအပြင် ရွေးချယ်ခွင့် လက်ဝယ်ရပြီးသား
ကိုယ့်သမိုင်းကို ကိုယ် ကြိုက်တဲ့ မင်ရောင်နဲ့  ရေးပါ ... ။

သူ့ ဘက် ကိုယ့်ဘက် ခဏလောက် ၀င်တွေးပြီး
အပြုစိတ်နဲ့  မြင်အောင်ကြည့်
ခင်ဗျား ကျင့်သုံးတဲ့ နီတိ ပိုအဆင့်ရှိလာလိမ့်မယ် ... ။

ဦးခေါင်းတိုင် ဦးခေါင်းတိုင်း
အကန့် ကြီး နှစ်ကန့် ရှိတယ်
တစ်ဖက်နဲ့ တစ်ဖက် မျှတအောင်ထည့်
သိပ်တစ်ဖက်စောင်းနင်း မကျစေနဲ့ 
ခင်ဗျားဦးခေါင်းကြီး စောင်းသွားမယ်
ခေါင်းစောင်းရင် အမြင်လည်းစောင်းတတ်တာ
ခင်ဗျားအသိ ကျုပ်အသိ အားလုံးအသိ ... ။

ထွေထွေထူးထူးတော့ မရှိပါဘူး
ခင်ဗျားဖြစ်နေတာနဲ့  ကျုပ်ဖြစ်စေချင်တာ
ညှိယူလို့ မရ ဆန့် ကျင်နေရင်တော့လည်း
ရွှေပြည်အေးတရား မဟောကြားတော့ဘူး
ကျေးဇူးပြုပြီး ကျုပ်ကို လူ့ ခွစာ လို့  ခေါ်ပါ ... ။

မောင်ငယ်