CLICK HERE FOR BLOGGER TEMPLATES AND MYSPACE LAYOUTS »

Sunday 28 December 2008

"အကြည့်"


ညိုမောင်းနက်သန်
ပျံတက်မယ့်အလား မျက်ခုံးတစ်စုံ
ညွှတ်ပြောင်းကော့လန်
ထက်အောက်ဆန့် ထွက် သွယ်လျမျက်တောင်
အိထွေးချောမွတ်
ပုဇွန်ဆီသွေးရောင် မျက်သားဘောင်ကွပ်
ရောင်စဉ်ရွှန်းလဲ့
မျက်ဝန်းနက်နက် တစ်ချက်ကယ်ဝင့်
လည်ပြန်လှည့်ကြည့်လို့  မဆုံးသေးခင်
ကျနော့် အသဲ လန့် ကွဲမတတ်
ရေခဲချပ်များလို ကြွပ်ဆတ်သွားတယ် ... ။

မောင်ငယ်

P.S => သူမ၏ မျက်ဝန်းများက ဒီကဗျာကို ဖန်ဆင်းပါသည်။

Tuesday 23 December 2008

"ငနာရဲ့  ကဗျာ ယဉ်ကျေးမှု"


ကဗျာဆရာ အမည်မခံဝံ့တဲ့ ငနာက
အသေကောင်လို တွေးငေးပြီး
ကဗျာတွေလည်း တသသ ခဏဏ ပုံသွင်းဖူးရဲ့  ... ။

ကဗျာဆရာ အမည်မခံဝံ့တဲ့ ငနာက
ကဗျာရေးခြင်းက ပန်းပုထုခြင်းနဲ့ လည်း
ဆင်ဆင်တူတယ်လို့  ခံယူဖူးရဲ့  ... ။

ကဗျာဆရာ အမည်မခံဝံ့တဲ့ ငနာက
မှောင်နက်မည်းမည်းထဲ ဟိုဒီပျံ့ ကျဲနေတဲ့
စကားလုံးတွေလည်း ကောက်သင်းကောက်ဖူးရဲ့  ... ။

ကဗျာဆရာ အမည်မခံဝံ့တဲ့ ငနာက
အရောင်လက်တဲ့ ခင်ဗျားတို့ ရဲ့  စာသားတစ်ချို့ 
ပုခုံးနှစ်ဘက် အထက်နားက အလုံးကြီးထဲမှာ သိုသိုသိပ်သိပ်ရှိရဲ့  ... ။

ကဗျာဆရာ အမည်မခံဝံ့တဲ့ ငနာက
အရည်မှီ ကဗျာတစ်ပုဒ် ဖန်တီးရ ၊ ဖတ်ရတဲ့အခါ
ကျောက်သမား ကျောက်အောင်တာကို လှောင်ချင်ရဲ့  ... ။

ကဗျာဆရာ အမည်မခံဝံ့တဲ့ ငနာက
ကဗျာရှိရာနောက် အနှံ့ လျှောက်ယက်
ကြက်အစာကောက်သလို တဒေါက်ဒေါက် နှိုက်စားဖူးရဲ့  ... ။

ကဗျာဆရာ အမည်မခံဝံ့တဲ့ ငနာက
အရည်မရ အဖတ်မရ အကြောင်းအရာအတွက်လည်း
ကဗျာကို လက်တစ်လုံးခြား လှည့်ဖြားပြီး မိုက်မှားကျူးလွန်ဖူးရဲ့  ... ။

ကဗျာဆရာ အမည်မခံဝံ့တဲ့ ငနာက
ကဗျာဈေးကွက် ကြေးတက်ဖို့ လည်း
ရွှေဈေးနဲ့  ဆွေမျိုးစပ်ကြည့်ဖူးသေးရဲ့  ... ။

ကဗျာဆရာ အမည်မခံဝံ့တဲ့ ငနာက
အလေ့ကျ မဟုတ်တဲ့ ရာသီကဗျာတို့ ကိုလည်း
လူပုံအလယ် ဗန်းခင်း တင်သွင်းဖူးရဲ့  ... ။

ဒီငနာ့ ကဗျာများကို စားသုံးမိလို့ 
အဆိပ်သင့်ခဲ့ရင် ၊ အာဟာရ မဖြစ်ခဲ့ရင်
ငနာရဲ့  ညံ့ဖျင်းမှုသာ ဖြစ်ပါသည် ... ။

မောင်ငယ်

Sunday 21 December 2008

"ထွက်တိုး"


မြေစမ်းတဲ့ သဘောနဲ့ 
ခရမ်း ပျိုးမိတာပါ
ခုတော့ ထိန်းမနိုင် သိမ်းမရ
လှိုင်လှိုင် သီးပွင့်ကြတော့
ငါ့မှာ ရိတ်သိမ်းရခက်
နှုတ်ပစ်ရခက်
လမ်းခုလတ်ကြီးမှာ ... ။

မောင်ငယ်

Friday 19 December 2008

“ပြာကျသွားတဲ့ သုည”

ရွေးချယ်စရာတွေ များလွန်းတဲ့
ဘ၀ဈေးကွက်ထဲက အမျိုးအမည်များ
ဘာကိုမှ ဆုပ်ကိုင်မထားချင်တော့တာ
အတ္တတွေကို ခွာချလိုက်ခြင်း ဖြစ်သလို
ဝင်သက် ထွက်သက်ကို လျစ်လျူရှုလိုက်ခြင်းလည်း ဖြစ်ရဲ့  … ။

ကျနော် တွေးမိဖူးတယ်
ဒီအတ္တဘောကြီးကို ကိုယ်နဲ့ တစ်သားထဲ
ဆွဲဆွဲကပ်ထားရတာကိုက
ဝန်စည်စလယ်တွေကို ချိတ်ဆွဲထားမိသလိုပဲ … ။

ကျနော်ကိုယ်တိုင်က ကျနော့်ရဲ
ကျေးကျွန်း ဖြစ်မှန်းမသိ ဖြစ်နေပြန်တယ်
ဒီကျေးကျွန်ကိုပဲ တစ်နေ့ တစ်နေ့ 
ပြုစုထိမ်းသိမ်းနေရမှုက
လက်ဝင်တဲ့ လက်မှုပစ္စည်း တစ်ခုကို
ထုလုပ်နေရသူရဲ့  ခံစားမှုမျိုးနဲ့  … ။

တစ်နေ့ ရွှေ တစ်နေ့ ငွေနဲ့ 
အဲဒီနေ့ တွေထဲ လုံးလည်လိုက်ရင်း
လုံးပါးပါးသွားတဲ့ နေ့ မှာ
ကျနော်ရုပ်တုကို ပြာချတဲ့အမှု
ဈာပန အခမ်းအနားတစ်ခုကို
ကျနော်တစ်ယောက်တည်း ကျင်းပချင်တယ် … ။

မောင်ငယ်

Sunday 14 December 2008

"အတ္တကြောင့် ထက်တဲ့ မာန"


မီးနာနာ ဓားတစ်လက်စီကိုင်
ကျောက်သားပေါ် တင်သွေး
ဓားတွေထက်လာ ကျောက်သားတွေပါးလာ
မတိုက်ဆိုင်တိုင်း ယှဉ်ခုတ်
အသွားတွေ တုံးကုန်မပေါ့
တို့ တွေ ဆာမူရိုင်းတွေမှ မဟုတ်ပဲကွယ် ... ။

မောင်ငယ်

Wednesday 10 December 2008

"လူဖြစ်ခဲ့ရင်"


အမိဝမ်းက ကျွတ်တာဟာ
ကြိုးဝိုင်းထဲကို ပြုတ်ကျလာတာပဲ လူသား
ပါးစပ်က အူဝဲ ဆိုတာနဲ့ 
အံကပ် အသင့်တပ်ပြီး ဖြစ်တယ် ... ။

ရေသန့် စင်လိုက်ခြင်းကလည်း
ပကိတိဖြူစင်ခြင်း ၀တ်ရုံလွှာခွာချလိုက်ခြင်း ဖြစ်သလို
ပြန်ချွတ်မရနိုင်တဲ့ အညစ်အကြေးတွေ
စတင်လိမ်းကျံဖို့  အသင့်ပြင်လိုက်တာလည်းဖြစ်ရဲ့  ... ။

ခဏချင်းပဲ
အချိန်ရဲ့  အရေးပါမှုကို
မောင်းထုသံ အဆုံးမှာ သိခွင့်ရမယ်
လက်မနှေးနဲ့  လူသား
ကွင်းအဖွင့်မှာ ပင့်လက်သီး တစ်လုံး
အရှိန်ပြင်းပြင်းနဲ့  လာကမ်းလိမ့်မယ်
မရှောင်နိုင်ရင်တော့ လက်ခံလိုက်
ခဏတော့ ဒယိမ်းဒယိုင်ပေါ့
လဲကျတော့ မသွားစေနဲ့  ... ။

အပြာထောင့် အနီထောင့်
နှစ်သက်ရာ လက်ကိုင်ပြုပါ
ကျန်နှစ်ထောင့်မှာလည်း ရပ်တည်ခွင့်ရှိတယ်
ဒီကြိုးဝိုင်းမှာက ရွေးချယ်ခွင့်တော့ အများသား ... ။

လက်ဖျောက်ထိုးသံ လက်ခုပ်တီးသံ
ဆော်သြသံ ဆဲဆိုသံ စုံလင်မှုဟာ
အားပေးမှု ဆိုပေမယ့်
လောင်းကြေးသေချာဖို့ ကိုလည်း ရှေးရှုတယ် ... ။

ယှဉ်ပြိုင်မှုကိုပဲ နှလုံးသွင်းထား
အနှိုင်အရှုံး ဆိုတာက
ဘ၀ရဲ့  ပင်ကိုစရိုက် ... ။

ဂရုမစိုက်နဲ့  ဆက်တိုက် ဆက်တိုက်
စိန်ခေါ်မှုတွေကို လက်ခံလိုက်
ထုသားပေသား ကျလာရင်
လိုရာပုံသွင်းလို့  ရရဲ့  ... ။

ဘ၀မှာ အသစ်အသစ်တွေ ဟောင်းခြင်းနဲ့ 
အဟောင်းအဟောင်းတွေ ပြန်သစ်ခြင်းကို
နားလည်ခဲ့ရင် အားလုံးက တင့်တယ်နေလိမ့်မယ် ... ။

ခြေစလှမ်းတိုင်း အဝေးဆုံးကို လှမ်းကြည့်ပြီး
အနီးမှာရှိသည်များကို ဂရုစိုက်တန်ဖိုးထားလိုက်
ဒါဆို ခလုတ်တိုက် လဲခဲတယ် ... ။

စူးစမ်းမှုနဲ့  လျစ်လျူရှုမှုကို
အကွက်မှန်အောင် ရွေ့ နိုင်ရင်
လူပေါ်က လူဇော်ဖြစ်ပြီ လူသား ... ။

မောင်ငယ်

Friday 5 December 2008

"သိနှင့်ပြီးသော အပ်ကြောင်းများ"


အချစ်ဆိုတာ
ကလေးများ မကစားတတ်တဲ့အရာဖြစ်တဲ့အတွက်
လူရွယ်တစ်ယောက်ပီပီ ရိုရိုသေသေ ကိုင်တွယ်ပါ ... ။

မေတ္တာဆိုတာ ရေခံမြေခံကောင်းမှ
ပေါက်ရောက်ရှင်သန်နိုင်တဲ့ အတွက်
ရင်မြေထိန်းသိမ်းမှုနဲ့  စီးဆင်းမှုကို
အထူး ဂရုစိုက်ပါ ... ။

အကြင်နာတရားဆိုတာ
သက်ရှိအားလုံးအတွက် နေ့ သင့်နံသင့်လည်း ဖြစ်ရဲ့ 
နှလုံးသားမှ အဓမ္မ နှင်ထုတ်ခြင်းခံရတဲ့
အနူးညံ့ဆုံးသော အမိန့် လည်းဖြစ်တယ်
ဒါကြောင့် အခါအခွင့်သင့်တိုင်း ခွင့်ပြုပါ ... ။

သံယောဇဉ်ဆိုတာ
သေးငယ်သိမ်နုပ်လွန်းတဲ့ ပိုးမျှင်တွေကို
အထပ်ထပ် အဖက်ဖက်မှ ယက်လုပ်ထားတဲ့
အကောင်အထည် မပေါ်တဲ့ ကြိုးတစ်ချောင်းလည်း ဖြစ်တယ် ... ။

အမုန်းဆိုတာက ကိုယ့်အတွက်တော့
ရင်ကို ၀ုန်းဒိုင်ကျဲစေမယ့်
နေပူ ၊ လေပူကို ဖြတ်သန်းစီးဆင်းလာတဲ့
ရေပူလှိုင်း တစ်ခုပါကွယ် ... ။

စုဆောင်းမိထားတဲ့ အချစ်တွေကိုပဲ
အလေအလွင့် မရှိရအောင် စောင့်ရှောက်ပါ
ဆထက်တပိုး တိုးပွားအောင် ကြံဆောင်ပါ
အဓွန့် ရှည် တည်တံ့နေမှာပါ ချစ်သူ ... ။

မောင်ငယ်