CLICK HERE FOR BLOGGER TEMPLATES AND MYSPACE LAYOUTS »

Saturday 8 August 2009

" ကြံရာပါ ကပ်ပါးကောင်များ "


ဒီကမ္ဘာကြီးပေါ် နှစ်သန်းပေါင်းများစွာက
ကပ်ပါးကောင်တွေ အခြေချ ရှင်သန်ခဲ့ကြတယ်
ကပ်ပါးကောင်တို့ ရဲ့  ရှင်သန်ခြင်းမှာ
ကိုယ်ပိုင်ရှင်သန်ခြင်း မရှိကြဘူး
ကပ်ပါးကောင်တွေမှာလည်း ကပ်ပါးကောင်တွေရဲ့ 
ပါးနပ်စွာ ခိုကပ်နေထိုင်ရှင်သန်ခြင်း ခံရပြန်တယ်
အကြောင်းကြောင့် အကျိုးဆိုရင်
ကပ်ပါးကောင်တွေဟာ အကျိုးတရားသာ ဖြစ်တယ် … ။


ကပ်ပါးကောင်တွေ ထဲမှာမှ ကပ်ပါးကောင်တမျိုးဟာ
သူတို့ ကိုယ် သူတို့  အတန်းအစား တရပ်ရယ်လို့ 
ဘယ်သူ့ အတည်ပြုချက်မှ မယူပဲ
တညီတညွှတ်ထဲ အတည်ပြုလိုက်ကြတယ် … ။


ကပ်ပါးကောင်တွေပေါ့ …..

ယဉ်ကျေးမှုတွေ အစဉ်အဆက်မြင့်တင်ခဲ့ကြ
အချင်းချင်း သတ်ဖြတ်မှုကို ဆရာမကူပဲ
တဖတ်ကမ်းခတ် တတ်မြောက်ခဲ့ကြ
သမိုင်းတွေကို သွေးနဲ့  ချင်းချင်းနီအောင် ရေးခဲ့ကြ
နယ်မြေသစ်တွေ ကျယ်သထက်ကျယ်အောင် ချဲ့ ထွင်ခဲ့ကြ
စစ်ပွဲတွေ တရားဝင် ဆင်နွဲခဲ့ကြ
နယ်နိမိတ်တွေ ပိုင်းခြားသတ်မှတ်ခဲ့ကြ
တောရိုင်းယဉ်ကျေးမှုကို ပယ်ချလို့ 
မြို့ ရိုင်းယဉ်ကျေးမှု တစ်ရပ်ကို အဆိုတင်သွင်းလိုက်ကြ
ဘာသိဘာသာ လက်ခံကျင့်သုံးရင်း
သက္ကရာဇ်တွေ ထုဆစ်လာခဲ့ကြတယ် … ။


ကပ်ပါးကောင်တို့ ရဲ့ ဗီဇမှာ …..

ပြိုင်ဆိုင်မှုဆိုတဲ့ အားဆေးကို ထိုးသွင်းခြင်း ခံခဲ့ရတယ်
မနာလိုခြင်းနဲ့  ၀န်တိုခြင်းကို နာလိုသူတစ်ယောက်ရဲ့ 
လိုအပ်မှုတစ်ခုအနေနဲ့  ကျိန်စာသင့်ခံခဲ့ရတယ်
ချစ်ခြင်း မုန်းခြင်းတရားဟာ ကုစားလို့ မရတဲ့
မွေးရာပါ ဘာသာဗေဒ တစ်ခုဖြစ်ခဲ့ရတယ်
အတ္တနဲ့ မာနကို စုတ်ချက်နက်နက် အပေါက်ခံခဲ့ရပြီး
ဆေးပြန် မဖျက်နိုင်သူတွေလည်း ဖြစ်တယ် … ။


ကပ်ပါးကောင်တို့ ရဲ့ သမိုင်းမှာ …..

ကပ်ပါးကောင်တွေသာ ဆွေစဉ်မျိုးဆက် ကြီးစိုးခဲ့ကြတယ်
တော်လှန်ရေးကို တစိုက်မတ်မတ် တော်လှန်ရင်း
အခွင့်အရေးရဲ့  တော်လှန်ခြင်းကို ခံခဲ့ရပြန်တယ်
အချစ်ကြောင့် သမိုင်းတွင်ခဲ့သလို
အချစ်ကြောင့်ပဲ သမိုင်းတွေ တွင်းနက်ခဲ့ဖူးတယ်
စက္ကူနဲ့  သတ္ထုဖြူတွေကို
တန်ရာတန်ကြေး သတ်မှတ်ပေးနိုင်ခဲ့တယ်
စစ်နဲ့  ငြိမ်းချမ်းရေးကို
ရေလို မိးလို အပူတပြင်း လိုအပ်လို့ နေကြတယ်
ဆန့် ကျင်ဘက်လိင်တို့  ဆွဲဆောင်မှုမှာ ထူးဆန်းစွာ
ဖောက်လွဲဖောက်ပြန် ဖြစ်နေကြပြန်တယ်
အမြီးဆွဲ ခေါင်းဆွဲ ခြေရာခံ အလိုက်ခံရဆုံးသူတွေထဲမှာ
ငွေကြေးနဲ့ ဂုဏ် ဟာ နာမည်ရထားပြီးသူတွေလည်း ဖြစ်တယ် … ။


ကပ်ပါးကောင်တွေဟာ ရရင် …..

ဆဠမအာရုံထိ တွေ့ ထိခံစားတတ်ချင်တယ်
နေမ၀င်အင်ပါယာကို ထူထောင်ချင်ခဲ့ကြတယ်
သေခြင်းတရားနဲ့  လွန်ဆွဲဖို့ အထိ မိုက်မဲခဲ့ကြတယ်
ကပ်ပါးကောင်တွေ ဖြစ်အောင် တုပတီထွင်ချင်ကြစဲဖြစ်တယ် … ။

ကပ်ပါးကောင်တို့ ရဲ့  ကိုးကွယ်မှုမှာ
ဘာသာတရားတွေ ထွန်းကားစည်ပင်ခဲ့တယ် …

ကပ်ပါးကောင်တို့ ရဲ့  ၀ါဒမှာ
အသွင်ပြောင်းကျောက်တွေလို အကွက်ဆန်းခဲ့ကြတယ် …

ကပ်ပါးကောင်တို့ ရဲ့  ပညာမှာ
အနုပညာသာ အနုအစိတ်ဆုံးရယ်လို့  ဆိုကြပြန်တယ် …

ကပ်ပါးကောင်တို့ ရဲ့  ဘ၀မှာ
အစအဆုံး ညည်းငွေ့ စွာ သင်ယူရင်း
ကုန်စင်အောင် တတ်မြောက်မသွားကြသူတွေလည်း ဖြစ်တယ် … ။

ကပ်ပါးကောင်တွေဟာ ကပ်ပါးကောင်တွေ ဖြစ်တာသေချာပြီး
ကမ္ဘာကြီးက ကပ်ပါးကောင်တွေ တွယ်ကပ်နေတဲ့
နေစင်္ကြာဝဠာရဲ့  ကပ်ပါးကောင်တကောင်သာ ဖြစ်လေတယ် … ။

မောင်ငယ်

4 comments:

ဆောင်းယွန်းလ said...

ဒီကဗျာကလေးနက်တယ်
သေသေချာချာ၂ခေါက်ပြန်ဖတ်သွားတယ်ညီမောင်ငယ်ရေ

ရွှန်းမီ said...

ကပ်ပါးကောင်တချို့ဟာ ကိုယ့်ကိုကိုယ်လည်း ပြန်ခွာချဖို့ ကြိုးစားနေကြလေရဲ့ ...

Unknown said...

ကပ်ပါးကောင်တွေက ၀ါဒတွေများလိုက်တာ :)
ကဗျာလေး မိုက်တယ် ကောင်းသောနေ့ကိုမောင်ငယ်ရေ :)

အိုင်လွယ်ပန် said...

အတွေးနဲ့ စကားလုံးတွေလန်းသဗျ ...