"သမိုင်းဝင်"

့
ဗင်လာဒင်ရဲ့  အကြမ်းဖက်လုပ်ရပ်
WTC ညီနောင် မြေခလို့  ဗုန်းဗုန်းလဲကျတာလည်း
မင်းလေးကြောင့် မဟုတ်ရပါဘူး...။

ဟီရိုရှီးမား ၊ နာကာစကီ နျူကျဲခံရလို့  ပြာကျ
ကမ္ဘာသိ ငါသိ မင်းလေးလည်း အသိ
ဒါလည်း မင်းလေးကြောင့် မဟုတ်ရပြန်ဘူး...။

ကလီယိုပက်ထရာ ဇာပုဝါပါးလွမ်းခြုံ
ရောမအင်ပါယာ တစ်ခုလုံး မီးဟုန်းဟုန်းတောက်လောင်တာ
မင်းလေး... မင်းလေးကြောင့်မှ မဟုတ်တာပဲကွယ်...။

ညို့ အားပြင်း မျက်ဝန်းတစ်စုံနဲ့ အကြည့်ချင်းဆုံ
နှလုံးခုန် ကြိမ်နှုန်း ၁၅၀၀ ထိဆောင့်တက်
ငါ့ လက်ဝဲ နံရိုးနှစ်ချောင်း အက်တဲ့ ကိစ္စကတော့
မင်းလေးနဲ့  အသေအချာ သက်ဆိုင်နေပါတယ် ချစ်သူ...။

မောင်ငယ်

P.S ~ မပေါရတာကြာလို့  ပေါကြည့်တာပါ ။ :D

"ထိပ်တိုက်"

့
ကျုပ်ကပဲ အကောင် မကြီးလို့ လား
ခင်ဗျားကပဲ အချိန်မစီးလို့ လားတော့ မသိဘူး
ခင်ဗျားလို သောက်ရူး ကဗျာတွေ ၊ စာတွေ
ကျုပ် အခု ရေးမိပြန်ပြီ
ဝါတွေ သဘာတွေ လာမပြောနဲ့ 
ကြီးကြီးသေးသေး ကျုပ်ကလည်း လူမရွေးဘူး
ရေဝေး ဆိုတာ ခင်ဗျားတို့  ကျုပ်တို့  အတွက်...။

ကျုပ်ပခုံးကို ရှပ်ရှပ် တိုက်မသွားနဲ့ 
တွန်းတိုင်း ၊ တိုက်တိုင်း နဲ့ နဲ့ ပါရအောင်
ကျုပ် အုတ်မြစ် ကျုပ်ချ ကျုပ်ဘ၀က
ခပ်ရွရွလေး တည်ဆောက်ခဲ့တာ မဟုတ်ဘူး...။

ပေစောင်းစောင်း မကြည့်နဲ ၊့ မရိနဲ့ ၊ မငြိနဲ့ 
ရှင်းလား ..... ကျုပ်ကတော့ ခပ်ရင့်ရင့်ပဲ
သိပ်တိုက်ခိုက်ချင်ရင် တည့်ဝင်လာခဲ့
ကျန်တာတွေဒိုး ဘာအားကိုးမှ မလိုဘူး
ရင်ဘတ်ချင်းရိုက် နဖူးရိုးချင်း ယှဉ်တိုက်မယ်
ဘယ်သူ အရိုးကျစ်ကြောင်း အရေထူကြောင်း
လယ်ပြင်မှာ ဆင်သွား အရှင်းသား
ခင်ဗျား တွေ့ ရလိမ့်မယ်...။

မြန်မာသွေးချင်း အတူတူ အနူနူ
ဘယ်သူ့ အတွက် ဘာ့အတွက်ပဲ စတေးစတေး
လက်ကိုင်ပြုတာချင်း မတူညီမှတော့လည်း
ဘယ်သူ့ သွေး ပို နီဆွေးကြောင်း
''ဗြောင်း'' ဆိုတဲ့ အသံတစ်ချက် အပြီးမှာ
ကျုပ် ခွက်ကြီးကြီးနဲ့  ခံပြမယ်...။

မောင်ငယ်

"အခွံ"

့
ဘ၀က အနေမတတ်ရင်
သောက်သုံးသူ မရှိတော့တဲ့
သဲရေအိုး တစ်လုံးလိုပဲ
တစ်စက်ချင်း တစ်စက်ချင်း စိမ့်ထွက်
နောက်ဆုံး.................................
ကိုယ့်အတွက်တောင် ဘာမှမကျန်ဘူး...။

မောင်ငယ်

"အရိပ်မဲ့ပန်း မနွမ်းစေချင်"

့

ကျွန်တော်တို့တွေသည် ဒုက္ခရောက်နေသောသူများ၊ ဆင်းရဲနွမ်းပါးနေသော က
လေးသူငယ် များနှင့် သက်ကြီး ရွယ်အို ဘိုးဘွားမိဘများကို မြင်သိ၊ ကြားသိရ
သောအခါ..“သြော်..သနားစ ရာကောင်းလိုက်တာ၊ စိတ်မကောင်းလိုက်တာ..”
စသဖြင့် ၀ဇီကံမှု၊ မနောကံမှုတို့ဖြင့် ကရုဏာဖြစ်နေရုံနှင့် ရပ်နေလို့မသင့်တော်
ပါဘူး။ သူတို့အတွက် မိမိတို့တွေ တက်နိုင်သ လောက် ထောက်ပံ့ပေးနိုင်မှု
ကာယကံ ကရုဏာမြောက်အောင် လုပ်မှသာလျှင် သူတို့အတွက်လည်း အကျိုး
ရှိပါလိမ့်မယ်။ လှူဒါန်းမှု နည်းသည်၊ များသည်ကတော့ မိမိတို့ ၀င်ငွေနှင့်မိမိအ
တိုင်းအတာကြောင့် ကွဲခြားမှုတော့ရှိပါလိမ့်မယ်။သို့သော် မိမိတို့စိတ်မှာမေတ္တာ၊
ကရုဏာ သက်ဝင်လှူဒါန်းမှု၊ စေတနာထက်သန်မှုကသာ ပဓာန ဖြစ်ပါတယ်။
ထို့ကြောင့် ကျွန်တော်တို့သည်လည်း တက်နိုင်တဲ့ဘက်မှ၊ တက်စွမ်းသလောက်
ပါဝင်လှူဒါန်း နေခြင်းဖြစ်ပါတယ်။ မိုးစက်ပေါင်းများစွာ စုပေါင်းရာမှ မြစ်၊ချောင်း
တွေဖြစ်လာရသလို ကျွန်တော်တို့တွေအားလုံး အနည်းငယ်မျှပင် ဖြစ်ပါစေ တ
ထောင့်တနေရာမှ လှူဒါန်းမှု ၊ စောင့်ရှောက်မှုတွေ လုပ်သွားကြမည်ဆိုလျှင်
ကျွန်တော်တို့တွေရဲ့ ညီ၊ အကို၊ မောင်နှမ၊ ဘိုးဘွား၊ မိဘတွေမှာ အနှိုင်းမရတဲ့
ပီတိ အပြုံးနဲ့ စားသုံး နိုင်ကြမှာပါ ။ ဒါကြောင့် နည်းသည်၊ များသည် ပဓာန
မထားဘဲ၊ အသင်းလိုက် ဖြစ်စေ၊ အဖွဲ့လိုက်ဖြစ်စေ၊ လစဉ်စုပေါင်း၍ ဖြစ်စေ
အမိမြေမှ သားချင်းများကို တက်စွမ်းသမျှ ဖေးကူရအောင်လို့တိုက်တွန်းပါရစေ။

အရိပ်မဲ့ပန်း ၊မနွမ်းစေချင်၊
ကရုဏာဝင်၍၊
တတ်စွမ်းသမျှ၊ လှူဒါနဖြင့်၊
ကူညီဖေးမ၊ ပရဟိတ…….။

ကျွန်တော်တို့လူမျိုးတွေဟာ အလှူအတန်းမှာတော့ အင်မတန် ရက်ရောကြတယ်
ဆိုတာ အားလုံးသိနေပြီး ဖြစ်ပါတယ်။ သို့သော် ဆွမ်းတစ်နပ် မရသေးတဲ့ ဆရာ
တော်ကို လှူလိုက်ရမှာ၊ ဒုက္ခအတိရောက်နေတဲ့ ကလေးသူငယ်တို့ကို ကျွေးမွေး
စောင့်ရှောက်ရမှာ ၀န်လေးတတ်ကြ တယ်။ ပါးစပ်ကပဲ သနားလွယ်ကြပါတယ်။
ကာယကံမြောက်ကရုဏာ မဖြစ်ကြပါဘူး။ မလိုအပ်တဲ့နေရာတွေမှာဘုရားတည်၊
ကျောင်းဆောက်ပြီး ဘုရားဒကာဖြစ်ချင်ကြပါတယ်။လိုအပ်တဲ့ နေရာမှာ အိမ်သာ
တောင် မဆောက် ပေးချင်ကြပါဘူး။ ယခုပစ္စုပ္ပန် အချိန်မှာ လိုအပ်နေတာတွေ
အများကြီး ရှိနေတယ်။ ဒါလေးတွေကို သိစေချင်ပါတယ်။ ဘုရားရှင်ဟောတော်
မူခဲ့တာလေး ရှိပါတယ်။ “ဒါနအကြောင်းကို ငါဘုရားလောက်သာ သိမယ်ဆိုရင်
ကိုယ်စားမယ့် ထမင်း လုပ်ကိုတောင် မစားဘဲ လှူဒါန်းကြလိမ့်မယ်လို့” မိန့်ဆိုခဲ့
ပါတယ်။ တစ်ကယ်သာသနာပြု တယ်ဆိုတာကလည်း ဘုရားတည် ကျောင်း
ဆောက်တာမှ သာသနာပြုတယ် မခေါ်ဆိုပါဘူး။ သာသနာသည်လည်းဘဲ အ
ဆောက်အဦး မဟုတ်ပါဘူး။ သာသနာပြုတယ်ဆိုတာ ဗုဒ္ဓအဆုံး အမတွေကို
ကိုယ့်နှလုံးသားနဲ့ အခြားသူတွေရဲ့နှလုံးသားမှာ တည်အောင်ကြိုးစားတာကမှ
တကယ့်သာ သနာပြုတာပါ။ ဗုဒ္ဓအဆုံးအမတွေက ဘာလဲဆိုတာ ပြန်လည်သုံး
သပ်ကြည့် စေချင်ပါတယ်။ အတိုဆုံးခြုံပြောရရင်.. ကောင်းမှုမှန်တာမျှအကုန်
လုပ်၊မကောင်းတာမှန်သမျှ ဘာမှမလုပ်နဲ့၊ စိတ်ကိုဖြူအောင်ထားဖို့ပါ။ ဒါ့ကြောင့်
ကောင်းမှုဒါနလုပ်ရာမှာလည်း “မရွေးချယ်ဘဲ ရမ်းလှူသောဒါနသည် ဖြစ်ရာဘ၀
တွင် ပစ္စည်းဥစ္စာပေါများကြွယ်ဝသော်လည်း ဉာဏ်ထိုင်းသူ မဂ်ဖိုလ်မရနိုင်သူဖြစ်
ရသည်။ လောကအတွက်၊ သာသနာအတွက် ဉာဏ်ယှဉ်ပြီး ရွေးချယ်လှူဒါန်းသူ
များသည် ဖြစ်ရာဘ၀တွင် ပစ္စည်းဥစ္စာပေါများ ချမ်းသာရသလို ဉာဏ်လည်း
ကောင်းသည် ။ တရားတစ်ကြိမ်နာရုံနှင့် မဂ်ဖိုလ်ရနိုင်သည်။ ပညာမဲ့သူသည်
ဘ၀ကို ကာမဂုဏ် ခံစားဖို့အတွက် အသုံးချ၍ အပယ်လေးပါးသို့သွားသည်။
ပညာရှိသည် လူ့ဘ၀ ကုသိုလ်ရဖို့အတွက်အသုံးချ၍ နိဗ္ဗာန်သို့သွားသည်” ဟု
ဆရာတော် အရှင်ဇ၀န (မေတ္တာရှင်)က ဆုံမတရားရေးပေးခဲ့ပါတယ်။

ယခုလက်ရှိအချိန်မှာ အမှန်တကယ်လိုအပ်နေသော နေရာလေးတစ်ခုကို ညွှန်ပြ
လိုပါတယ်။ လူမျိုးစုံ၊ ဘာသာစုံ မိဘမဲ့ကလေးငယ်များနှင့် နာဂစ်မုန်တိုင်းဒဏ်
ကြောင့် ခိုလှုံ ရောက်ရှိလာရ သော မိဘမဲ့ကလေးပေါင်း(၆၀၀)ကျော်ကို ဆရာ
တော်ဘုရား၏ ကြီးမားသော ကရုဏာနှင့် စောင့်ရှောက်ထားလျက်ရှိပါတယ်။
သို့သော် ကလေးငယ်များ၏ နေထိုင်စားသောက်ရေးနှင့် ကျန်းမာရေး၊ ပညာ
ရေးအတွက် ဘက်စုံပြည့်စုံရန်မှာ အင်မတန် ခက်ခဲလျက်ရှိပါတယ်။ လိုအပ်
နေရာ၊ လိုအပ်တဲ့အချိန်၊ လိုအပ်တာလေးတွေကို လှူရတာဟာ အင်မတန်မြင့်
မြတ်တဲ့ ဉာဏ်နှင့်ယှဉ်သော ဒါနမျိုးဖြစ်ပါတယ်။ ယခုသူတို့လေးတွေဟာ…

~ဂျင်းတစ်တက်နဲ့ ဟင်းချက်နေကြရရှာတယ်။
~ဗလာတစ်အုပ်နဲ့ ကဗျာတစ်ပုဒ်ရွတ်နေကြတယ်။
~တီရှပ်တစ်ထည်နဲ့ ရယ်တတ်နေကြတယ်။
~ဆားတစ်ဆုပ်နဲ့ တအားတုတ် နေကြတယ်။
~ဂေါ်ရခါးသီးနဲ့ အပျော်တအားကြီးနေကြတယ်။
~အ၀တ်တစ်ထည်နဲ့ ချစ်စဖွယ် ဖြစ်နေကြတယ်။
~အချင်းချင်း ချစ်တတ် နေတတ် စိုးရိမ်တတ်ကြတယ်။

“အပင်ရှင်သန် ပန်းတိုင်းပွင့်ဖို့ မြေဆီ ရေနေ လိုအပ်သလို ထမင်းနှစ်နှပ်နဲ့ ရေ
ရှည် ရပ်တည်ဖို့ သူတို့ ထူးချွန်ပြောင်မြောက် လူလားမြောက်ဖို့ သူတို့ အနာဂါတ်
လေးတွေ လှပရှင်သန်စေဖို့
ကျွန်တော်တို့၊ ကျွန်မတို့ မေတ္တာ၊ ဂရုဏာ စေတနာနဲ့ ပြုစုစောင့်ရှောက်ကြပါစို့
……………၊”

ဦးပဏ္ဍ၀ (ဦးစီးပဓာန နာယကဆရာတော်)
ဒိုးဝင်အောင်ကံသာ ပရဟိတလူငယ်ဖွံ့ဖြိုးရေးကျောင်း၊
လူမျိုးစုံပြုစုစောင့်ရှောက်ရေးဌာန၊
ပြင်ဦးလွင်မြို့၊
မန္တလေးတိုင်း၊
၃၃မိုင် ၇ဖာလုံ၊ မန္တလေး+ပြင်ဦးလွင် လမ်းဘေးအတက်လမ်း။

ဒိုးပင်သို့ ပါဝင်လှူဒါန်းလိုလျှင်….. မြန်မာနိုင်ငံမှ ပရဟိတ လုပ်ဆောင်နေ
သူများနှင့် တိုက်ရိုက်ဆက်သွယ်နိုင်ပါသည်။
မောင်သစ်လွင်ထွန်း (starfalls.nazy@gmail.com) ph 02-80211,02-80322
မသန်းသန်းနု (wgwhitegirl@gmail.com) ph 09-2018506
ကိုဝင်းကျော်သူ (wkthu2006@gmail.com)
Global Net ,Room 1,building 7,Hlaing tsp
(01-652232,652324,507054)
ရုံးချိန်(မနက်၉း၀၀ မှညနေ ၅း၃၀ ထိ)(တနင်္လာနေ့မှ စနေနေ့အထိ)

စင်္ကာပူ မှာဆက်သွယ်နိုင်ရန်...
ပိစိ - ၀၆၅-၉၂၃၉၂၄၄၁ (moethu.may@gmail.com)
မငြိမ်း - ၀၆၅-၈၁၅၂၆၈၁၁ (khinchothet@gmail.com)
ကိုသက် - ၀၆၅-၉၃၃၉၂၂၇၀ (kothetsince1986@gmail.com)

ရုရှားရောက်မြန်မာကျောင်းသားများကိုယ်စား ကျွန်တော်တို့၏ ထေရ၀ါဒဗုဒ္ဓ
ဘာသာ လူငယ်များအသင်း (YMBA) မှ ယခုလတွင် ဒိုးပင်အောင်ကံသာ
ပရဟိတလူငယ်ဖွံ့ဖြိုးကျောင်းသို့ တတပ်တအား ပါဝင်လှူဒါန်းသွားမည်ဖြစ်ပါ
သည်။

ရေးသားတင်ပြသူ- အောင်ဦး
http://dhammaratha.blogspot.com/
http://www.ymba-mephi.co.cc/

"မသိကိန်းများ"

့
ပင်ယံထက်က ကြွေလွင့်သွားတဲ့
ရော်ရွက်ဝါတစ်ချပ် ညှာတံကစွန့် ခွာ
ဒါ သူ့ ဝအဆုံးသတ်သွားကြောင်း
ကောင်းစွာ မသိလိုက်ရဘူး...။

မှန်လှောင်ကန်ထဲက အလှမွေး ငါးတစ်ကောင်
ဘောင်ကျဉ်းကျဉ်းနဲ့  ရေတိမ်မှာနစ်မွန်းတယ်
ပင်လယ်ကြီး ဘယ်လောက်ကြီးမားကြောင်း
သိနားလည်ဖို့  ဥာဏ်မမှီခဲ့ဘူး...။

မွေးရာပါ မျက်မမြင်ကလေးငယ် တစ်ယောက်
အိုမင်းရင့်ရော် သေဆုံးတာသွားခဲ့တယ်
အရောင်တွေ မည်မျှဆန်းပြား ခမ်းနားကြောင်း
ကျေနပ်လောက်အောင် သိမသွားခဲ့ရပြန်ဘူး...။

တစ်မျိုးပြီး တစ်မျိုး သံစဉ်တွေ မရိုးအောင်
ဖွင့်ချပေးခဲ့တဲ့ ဂစ်တာတစ်လက်
သူ့ ရင်တွင်းဖြစ်တွေ ပြန်ခံစားဖို့  နားတစ်စုံလိုကြောင်း
ခုထိ သိနိုင်စွမ်း မရှိသေးဘူး...။

ချစ်သူကို ဆက်နှင်းခြင်းခံရတဲ့ နှင်းဆီပန်းတစ်စည်း
သွေ့ ခြောက် ကြွေလွင့်တာ သွားတယ်
အပ်နှင်းသူရဲ့ တန်ဖိုးထားမြတ်နိုးမှုများ သူ့ မှာကိန်းဝပ်နေကြောင်း
ချစ်သူနှစ်ဦးလို သိခွင့်မရလိုက်ရှာဘူး...။

ကျနော်ရင်၌ ခံစားဖြစ်တည်သမျှ
အရာအားလုံး သူမ ထံပါးမှ
အခစား ၀င်ရောက်ခြင်းဖြစ်ကြောင်း
ကျနော်လည်း ကောင်းစွာ မသိသေးဘူး...။

မောင်ငယ်

"ဇီဝလိုအင်"

့
Sleeping is the biologically need .(10 th standard)

ညအိပ်ဝတ်စုံကို အချိန်မတန်ခင် ခွာချ
သမ်းဝေခြင်းနဲ့  နံနက်ခင်းသစ်ကို ကြိုဆိုကြ...။

လူတောတိုးတဲ့ အ၀တ်အစားတွေဝတ်
လူတောထဲ တိုးဝင် ရုန်းကန်ကြ...။

အိပ်ကပ်တွေ ဦးခေါင်းတွေ ၀မ်းဗိုက်တွေ ဖောင်းဖို့ 
မျက်လုံးတွေ ဟောက်ပက် ကျိန်းစပ်နေကြ...။

အလိုရမ္မက် မလိုအခက်တွေ ပိုင်ဆိုင်ရင်း ဆုံးရှုံးရင်းနဲ့ 
ခန္ဓာဓာတ်သက်တွေ လျော့ပါးဆုံးရှုံးကြ...။

သွားကြ ပြန်ကြ ရွှေ့လျားစီးမြောတဲ့ အခိုက်
ကိုယ့်အိပ်ချိန် ကိုယ်ပြန်ခိုးရင်း ငိုက်မြည်းကြ...။

တစ်နေ့ တာ ကိစ္စအ၀၀ ကျောခိုင်းလို့ အပြီး
ရက်စွဲတစ်ရက်ကိုလည်း သမ်းဝေခြင်းနဲ့  ဆုတ်ဖြဲလုံးချေ
အလိုတူ အလိုပါ ခေတ္တသေဆုံးခွင့် ရကြတယ်...။

မောင်ငယ်

PS ~ မြေအောက်ရထားစီးရင်း အိပ်ငိုက်နေသူများကို တွေ့ မိ၍ ရေးထားခြင်းမျှသာဖြစ်ပါသည်။

"၀ဋ်ကြွေး"

့
အနှစ်နှစ် အလလ ကတည်းက
ဖြစ်တည်နေတဲ့ နာဖျားခြင်းတွေ
နာလန်ထခါစ မနက်ခင်း
ပြတင်းတံခါးကို အသာအယာ တွန်းဖွင့်
'ကျွီ' စုပ်သပ်သံ တစ်ချက်ကြားတဲ့အခိုက်
သက်တမ်းရင့် အလွမ်းနာတို့ 
ပြတင်းတံခါးဆီသို့  တိုးဝှေ့ ပြေးလွှားလာကြ
ကျောပြင်ကိုရှပ်တိုက် ရိုက်သတ်တော့မယ့်အထာနဲ့ 
ခပ်မိုက်မိုက် တစ်ချက်လှည့်ကြည့်ပြီး
ဒီရင်ကို စုံကန်ထွက်တယ်...။

အိပ်မက်တစ်ချို့ လည်း ရောကောသောကော
ညှပ်ပါသွားတာ မမြင်လိုပဲ သိလိုက်ရ...။

သူတို့ လည်း ဒီအခန်းထဲမှာ နေရတာ
မွန်းကြပ်နေပြီ ထင်ပါရဲ့ ...။

စာနာ နားလည်ပေးကာ မှပဲ
ပြန်လှည့်ပြေးလာကြပြီး
အစုအဝေးနဲ့  သံပြိုင်အော်တယ်
"ကာရန်မဲ့နေတဲ့ ရင်ခွင်က ရင်ကြွင်းဒဏ်တွေ မင်းပဲခံတော့" တဲ့ဗျာ...။

မောင်ငယ်

"ကဗျာစီးကြောင်း"

့
ကဗျာနှစ်လိုသူ အားလုံး
ကလောင်သွား တစ်သသနဲ့ 
ရှေ့ ကို တစ်လှမ်းပြီးတစ်လှမ်း
ခံစားမှု အသစ်အသစ်တွေ
လက်ဝေကမ်းလိုက်ကြ...။

ငါတို့ ကဗျာတွေပေါ်
လာ ၀င်စားလှည့်
အရွယ်သုံးပါး မရွေး
အကြောင်းသုံးပါးမရွေး လက်ခံရဲ့ ..။

ငါတို့ ကဗျာတွေက
ဥတုရာသီကိုလည်း မမှီဘူး
ဒါကြောင့် နာဖျားခြင်းလည်း ကင်းရဲ့ ..။

ငါတို့ ကဗျာတွေရဲ့ 
ဝိဥာဉ်က မသေဆေးကို ခဏတိုင်း မြိုချ
သေဆုံးခြင်း အလျဉ်းကင်းတယ်..။

ငါတို့ ကဗျာမှာ
ပြဌာန်းချက် မဲ့ တယ်
မူကြမ်း မရှိဘူး
ဈာန်ဝင်စားတိုင်း ဖန်တီး
အတွေးဆန့် ထွက်တိုင်း ဖန်တီး
ကြေကွဲတိုင်း ဖန်တီး
ပေါက်ကွဲတိုင်း ဖန်တီး
လွမ်းလွမ်းဆွေးဆွေး သူ့ ကို ရေးကြ
ဘေးတော့ မဖြစ်စေနဲ့ ..။

ငါတို့ ကဗျာနဲ့ 
အချစ် အကြောင်း
အိပ်မက် အကြောင်း
ဘ၀ အကြောင်း
အကြောင်းပေါင်းများစွာ အကြောင်း
ဓမ္မဓိဠာန် ကျကျ
အဓိပ္ပါယ် ဖွင့်ဆိုကြ
ကဗျာတွေ ကဗျာတွေ
မရေမတွက် နိုင်အောင်ရှိသေးကြောင်း
နောင် နှစ်ပေါင်းများစွာကြာမှ
မင်းကို ကဗျာတစ်ပုဒ်နဲ့ 
ထပ်ရှင်းပြမယ် ...။

မောင်ငယ်

“တက် လိုက်ကြတာ ခွက်ခွက်လန်ပါလား”

့

တစ်နေ့ မနက်က ဘလော့ဂ်တွေလိုက်ဖတ်ရင် ကိုအိပ်မက်နက် ကြီးက တက် ထားတာတွေလို့ 
ဒေါ်ဒေါ်မှူး ကို သတင်းကောင်းသွားပေးမိပါတယ်(၀မ်းသာအားရ)။ ကိုယ့်အမှုကိုယ့်ပြန်ပါတ်မယ်
မှန်းသိရင် မပြောပဲတိတ်တိတ်လေးနေပါတယ် …အခုတော့၊အဟော့အဟော့ ..အာ မှားကုန်ပြီ
အဟင့်အဟင့်..။အသတ်ခံရပြီဗျို့  မှားပြန်ပြီ ၊ အ တက်(tag) ခံရပြီ အရပ်ကတို့ ရေ………....။
မထူးပါဘူး ရေးလိုက်တာပဲ ကောင်းပါတယ်။မရေးရင်လည်း Gtalk ကနေတစ်ဂျီထဲ ဂျီမယ်ဆိုပဲ။
ဓားကြိမ်းမကြိမ်းပဲ G talk ကြိမ်း၊ ကြိမ်းနေတယ် ။:P

ကိုယ့်ရဲ့ နာမည် --- မောင်ငယ်။
ကိုယ့်ကို သူငယ်ချင်းတွေက ဒီလိုခေါ်တယ် ---မောင်ငယ် ၊မောင်ငယ်ရင်သွေး ၊ဟေယောင့်ကြီး ၊သယ်ရင်း ၊သရု(друг)။
ကိုယ် ဒီမှာနေတယ် --- ဆွဲအားရှိတဲ့ အလုံးအကြီးကြီးပေါ်မှာ :P။
ကိုယ့်ဆီ ဖုန်းဆက်ချင်ရင် --- ကျုံးတစ်ပါတ် အရင်ပတ် (ကာရံညီပါတယ်နော် ဟီးဟီး)။
“ ကျနော် မကြိုက်ဆုံးတွေက ”
အရောင်ဆိုရင် --- အသည်းကွဲရောင်၊(သူများပြောတာကြားဖူးတာပဲ) ။
အ၀တ်အစားဆိုရင် ---တောင်ရှည်ပုဆိုး နဲ့ တိုက်ပုံအကျီ င်္။:P
အစားအစာဆိုရင် ---ခတက်ချဉ်။
ပစ္စည်းဆိုရင် --- ကျနော့် ကွန်ပျူတာ (ခဏခဏ ဟမ်းလို့ )။
သီချင်းဆိုရင် --- အငြိမ့်မင်းသမီး ဆိုတဲ့ သီချင်း ။
“တော်တော်များများကတော့ ကျနော်နဲ့ အသားတကျ ရှိကြပါတယ်။”
စာရေးဆရာဆိုရင် --- တော်တော်များပါတယ်။
စာအုပ်ဆိုရင် --- မဟားဒယားကို များပါတယ်။
လိုက်ဖ်စတိုင်လ် --- ရိုးရိုးတွေး ၊မြင့်မြင့်ကြံ ၊မှန်မှန်လုပ် ။
ကိုယ့်ရဲ့ဝါသနာ --- အတွေးဖျန့် ကျက်ခြင်း ၊ ချိန်ထိုးဆန်းစစ်ခြင်း ။
အလိုချင်ဆုံး လက်ဆောင် --- မိသားစုရဲ့ နွေးထွေးတဲ့ မေတ္တာ ။
ကိုယ့်ရဲ့ အချစ်ဆုံးသူက --- မာတာ ။
ကိုယ့်ရဲ့ အလေးစားဆုံးသူက --- ပိတု ။
ကိုယ့်ရဲ့ အခင်ဆုံး သူငယ်ချင်းက --- နည်းတာမဟုတ်ဘူး ။
ကိုယ့်ကို အများဆုံး နားလည်မှုပေးနိုင်သူက --- ကျနော်ကိုယ်တိုင်ပဲ (ဒါတောင် တစ်ခါတစ်လေ နားမလည်ချင်ဘူး ဟီးဟီး )။
ကိုယ့်ရဲ့ အမုန်းဆုံးသူက --- မွေးသေးဘူး ။
ရင်အခုန်ဆုံး အချိန် --- သိချင်လို့ လား ? မပြောပြဘူး ။ :P
အကြောက်ဆုံး အချိန် --- ဘယ်လိုမျိုးလဲ ? မကြုံဖူးဘူး ။
အပျော်ဆုံး အချိန် --- အိမ်ကို ခွင့်ပြန်ချိန် ။
အမှတ်တရနေ့ --- ဒီနေ့ ပဲ။ :D
ဆုတောင်းတိုင်းသာ ပြည့်မယ်ဆိုရင် တောင်းမဲ့ဆု --- လောကကြီး ငြိမ်းချမ်းပါစေ ။
အချစ်ဆိုတာ --- ကျနော့် ကောင်မလေးက ကျနော့်ကိုခေါ်တာ ။:D
အမုန်းဆိုတာ --- ရင်တစ်မိုက်ကို လောင်မြိုက်စေတဲ့ အရာ ။ (စာသားကို ယူသုံးထားပါတယ် )
အလွမ်းဆိုတာ --- အကျွမ်းတစ်ဝင် မရှိသင့်ပြန်ဘူး ။ဟူးဟူး
သံယောဇဉ်ဆိုတာ --- ပြန်ပြောရင် အမျှင်ကို မပြတ်တော့တာ ။ပြောတော့ဘူး ။:P
ဘ၀ဆိုတာ --- နေတတ်ရင် ကျေနပ်စရာကောင်းပါတယ်။
သူငယ်ချင်းဆိုတာ --- တစ်ယောက်နဲ့ တစ်ယောက် နားလည်မှုကို အလဲအလှယ် ပြုလုပ်ထားတာပါ ။
ချစ်သူဆိုတာ --- တစ်ဖက်သတ်ပဲဖြစ်ဖြစ် ၊နှစ်ဘက်သတ်ပဲဖြစ်ဖြစ် ချစ်နေတဲ့သူ ။
ကိုယ့်ကိုကိုယ် ဒီလိုထင်တယ် --- လူသားဆန်တဲ့ လူတစ်ယောက် ။အင်း... သေချာလောက်ပါတယ် ။:D
ကိုယ့်ရဲ့လက်ဆွဲဆောင်ပုဒ်က --- ယောင်္ကျားတံခွန် လူရည်ချွန်က ကောင်းကင်တံမွတ် ကြယ်ကိုဆွတ်လည်း မလွှတ်စတမ်း ရမြဲတမ်းတည့် ။
အပြောချင်ဆုံး စကားတစ်ခွန်း --- တစ်နေ့ တစ်ခုန် ဇလုံ ဘယ်ရွေ့ မလဲ ။ အဲအဲ မှားလို့ ..:D ။တစ်နေ့ တစ်လံ ပုဂံ ဘယ်ရွေ့ မလဲ ။

အင်း ကိုယ့်အလှည့်တော့ ပြီးသွားပြီ ။ဘယ်သူကို အလုပ်ပေးရင်ကောင်းမလဲ စဉ်းစားလိုက်တော့..။
ဟာဗျာ… တက်စရာ လူလိုက်ရှာပါတယ် ၊ဒီလောက်တောင်ရှားနေပြီလား မသိဘူး ။ရှားရှားပါးပါး
နှစ်ယောက်ပဲ တွေ့ တယ်ဗျာ။ ကိုယ့်အရင် တက် တဲ့သူတွေ မနည်းပါလား ၊ တဂစ်ဂစ်နဲ့ …။:P
ကဲကဲ ကံဆိုးသူမောင်ရှင် နှစ်ယောက် အရောက် ဆင့်ခေါ်စေ ..။ဟီးဟီး..။

ကိုမင်းကျန်စစ်
မောင်သုည

နောင်တော် တို့ ညီတော် တက် သည်ကိုပြန်မရေးပါက မော်စကို ရောက်ပါက ဗော်ဒကာ တစ်ဝိုင်းစီဖြင့် အလျော်ပေးရ လတ္တံ။:P

မောင်ငယ်

"မလွယ်ပေါက်"

့
ခင်ဗျားတို့  ကျနော်တို့ 
ဒီအချစ်ဆိုတဲ့ ကွန်ယက်ထဲက
မရုန်းထွက်နိုင်ကြသေး သရွေ့ 
ရောင်စုံ အခိုးအငွေ့  တွေထဲ
တိုးဝှေ့နေရ ဦးမှာပဲ...။

မောင်ငယ်
P.S - မလွယ်ပေါက် =အလွယ်တစ်ကူ မထွက်နိုင်သော အပေါက် ။:D
အဲဒီကွန်ယက်ထဲက ထွက်လို့ မလွယ်လို့  ကျနော်လည်း မထွက်သေးဘူးဗျ ။:P

“အချစ်နှင့် ခရီးနှင်ခြင်း”

့
တားမြစ်ထားတဲ့ အနားသတ်ထိ မရောက်သေးခင်၊
နယ်မြေသစ်များစွာ ရှေ့မှာ အိပ်မောကျနေတဲ့အခိုက်အတန့် ...။

တို့ အတူ…
လွင်ပြင်ကျယ်မှာ လေပြေနဲ့ အတူလွင့်မြော..
ကုန်းပြင်မြင့်တွေတစ်ဝိုက် အပြိုင်းအရိုင်း ပေါက်ရောက်ရှင်သန်ကြ ..
စမ်းချောင်းငယ်ထဲ ရောနှော စီးဆင်း...။

တစ်ဘက်စွန်းစီရပ် ရင်ရဲ့  ရောင်စဉ်တွေနဲ့ ၊
သက်တန့် တစ်ခု အပြီးသတ်ဖန်ဆင်း..
ညစဉ် ပါးပြင်ပေါ် ကြယ်တွေ အစင်းစင်းကြွေခ ..
ကဗျာပေါ်မှာ ခံစားမှုကို စိတ်လိုလက်ရ အကုန်တင်သွင်း...။

နေ့ နေ့ ညည လက်တွဲလျှောက်လှမ်းမယ့် လမ်းတိုင်း ၊
အမွှေးပန်းရနံ့ တို့  အကန့့်လိုက် အကန့် လိုက် သင်ပျံ့ နေလတ္တံ ..
လတ်ဆတ်ဖြူစင်တဲ့ စံပယ်တစ်ခက်က မင်းအတွက်သီးသန့် ...။

အရည်ရွမ်း ပန်းသီးတစ်လုံး ဝေမျှစားသုံးရင်း ၊
နွေ၊ မိုး၊ ဆောင်း သဘာဝအတိုင်း နု၊ ရင့်၊ ကြွေ၊ လွင့် ၊
အရောင်တွေ အစဉ်လိုက် ပြောင်းလဲမှုကို လက်ခံ..
သူစိမ်းတရံ မဆန်ဖို့ ပဲ ပိုလိုတယ်…။

မောင်ငယ်

"နိဂုံး"

့
အချစ်အကြောင်းလား….?
ပါးစပ်ပိတ် ပြန်အိပ်လိုက်
အထဲမှာ
လောင်မီးကျနေလို့ ပါ
ဖွဲမီးလိုပဲ
တမြည့်မြည့်နဲ့ လောင်မြိုက်
အဲဒါလေးကိုပဲ
နှစ်ခြိုက်နေမိတဲ့
ဒီ ငမိုက်သား
ထပ် မိုက်မှားခွင့်
မပေးနဲ့ ဦးလေ..။

လွမ်းဆွတ်မှုတွေ အကြောင်း
တစ်စေ့တစ်စောင်းလောက်…
သူ့ အကြောင်းဆိုရင်တော့
မနေ့ ကကျနော်က
ပိုသိပါလိမ့်မယ်
ဒီနေ့  အပြင်းစားတွေ ရေးခြစ်
ခံစားတဲ့ စုတ်ချက်
ပိုကြမ်းနေချိန်မို့ ပါ…။

အိပ်မက် !!! ဟုတ်လား..?
သိပ် တပ်မက်တွယ်ဖက်
တရစပ်
အကျွမ်းဝင်ခဲ့သူပေါ့
နှလုံးသွေးဖောက်
သစ္စာသွေး သောက်ခဲ့ကြသူလေ
(လက်တွဲ မဖြုတ်ကြကြေးဆိုပြီး)
သွေးသောက်ချင်းပေမဲ့ဗျာ
အတိုင်းအတာ တစ်ခုကျော်လွန်
ကဲကဲလွန်လွန်
နေရာယူလွန်းလာတဲ့ အိပ်မက်
ကျနော်ကိုယ်တိုင်ကပဲ သစ္စာဖောက်
နိုးထခြင်နဲ့ 
အဆုံးသတ်လိုက်ရတယ်
ဒီကောင် ဗိုင်းခနဲ့ လဲကျ
တစ်ဆက်တည်းမှာပဲ
ကျနော် ကိုယ်တိုင်လည်း
အိပ်မက်ရဲ့  ခြေရင်းမှာ
အိပ်မက်ခြင်းကင်းတဲ့ အိပ်စက်ခြင်းနဲ့ 
ကျိန်စာ သင့်ခဲ့ရ…။

မောင်ငယ်