"မသိကိန်းများ"

့
ပင်ယံထက်က ကြွေလွင့်သွားတဲ့
ရော်ရွက်ဝါတစ်ချပ် ညှာတံကစွန့် ခွာ
ဒါ သူ့ ဝအဆုံးသတ်သွားကြောင်း
ကောင်းစွာ မသိလိုက်ရဘူး...။

မှန်လှောင်ကန်ထဲက အလှမွေး ငါးတစ်ကောင်
ဘောင်ကျဉ်းကျဉ်းနဲ့  ရေတိမ်မှာနစ်မွန်းတယ်
ပင်လယ်ကြီး ဘယ်လောက်ကြီးမားကြောင်း
သိနားလည်ဖို့  ဥာဏ်မမှီခဲ့ဘူး...။

မွေးရာပါ မျက်မမြင်ကလေးငယ် တစ်ယောက်
အိုမင်းရင့်ရော် သေဆုံးတာသွားခဲ့တယ်
အရောင်တွေ မည်မျှဆန်းပြား ခမ်းနားကြောင်း
ကျေနပ်လောက်အောင် သိမသွားခဲ့ရပြန်ဘူး...။

တစ်မျိုးပြီး တစ်မျိုး သံစဉ်တွေ မရိုးအောင်
ဖွင့်ချပေးခဲ့တဲ့ ဂစ်တာတစ်လက်
သူ့ ရင်တွင်းဖြစ်တွေ ပြန်ခံစားဖို့  နားတစ်စုံလိုကြောင်း
ခုထိ သိနိုင်စွမ်း မရှိသေးဘူး...။

ချစ်သူကို ဆက်နှင်းခြင်းခံရတဲ့ နှင်းဆီပန်းတစ်စည်း
သွေ့ ခြောက် ကြွေလွင့်တာ သွားတယ်
အပ်နှင်းသူရဲ့ တန်ဖိုးထားမြတ်နိုးမှုများ သူ့ မှာကိန်းဝပ်နေကြောင်း
ချစ်သူနှစ်ဦးလို သိခွင့်မရလိုက်ရှာဘူး...။

ကျနော်ရင်၌ ခံစားဖြစ်တည်သမျှ
အရာအားလုံး သူမ ထံပါးမှ
အခစား ၀င်ရောက်ခြင်းဖြစ်ကြောင်း
ကျနော်လည်း ကောင်းစွာ မသိသေးဘူး...။

မောင်ငယ်